INFOMAX.MK

Градоначалникот на Карпош, Стевчо Јакимовски, на Фејсбук ја сподели конверзацијата меѓу членови на неговара партија каде еден од нив пренесува дека разговарал со колега (Белчев) кој разговарал со Мицкоски и рекол дека Јакимовски ќе биде изнесен од општината со лисици.

– Еден мој поранешен член бил кај Христијан и сакајќи да се направи важен дека тој во 4 очи разговара со лидерот на опозицијата во случајна средба му пренесува важна “информација” на еден друг мој член од Илинден.

Умислениот дека е многу важен (Белчев), му се фали на колегата во доверба се разбира, дека кога ВМРО ќе дојдат на власт ќе ме изнесат со лисици од Општина Карпош.

Мислејќи дека е ‘мнооогу’ важна безбедноста информација по мојот живот и здравје дотичниот ја пренел на моја партиска колешка со молба истото да ми биде пренесено.

Таа, во порака до мене, ми ја пренсе оваа информација и дотука сите си живееле среќно. Но, не се надеваа дека јас оваа информација ќе ја споделам со јавноста па сега едниот се самоцензурира, а другиот под притисок се обидува да демантира.

Баба лаже, трап не лаже.

Откако колешката ми ја препратила информацијата, на колегата од Илинден му вратила повратна информација дека ми е пренесено и уште го пофалила кај мене дека тој бурно реагирал на што овој во писмена форма пишува – “Така и беше”

Еве доказ од конверзацијата

Христијан и неговите можат да вршат притисок колку сакаат и некаде тоа му успева, а некаде не. Кај мене очигледно – не.

Поздрав и до заканувачот, и до поштарите. – пишува Јакимовски на Фејсбук.