Ќе следат ли нови инциденти: Србите повторно се собираат пред општините, КФОР и косовската полиција се околу зградите

Ноќта на северот на Косово помина мирно, по вчерашниот напад на насобраните Срби и конфликтот со косовската полиција и членовите на КФОР. Работниците на општина Звечан и денеска почнаа да се собираат за да бараат враќање на работните места, додека КФОР постави кордон, а зад нив стојат припадници на косовската полиција, јавува репортерот на Спутник.

Во текот на ноќта силите на КФОР беа и околу општинската зграда во Звечан, а припадници на косовската полиција, додека граѓаните најмногу се разотидоа.
КФОР вчера по многу инциденти го растури српскиот протест во Звечан. Двајца Срби се ранети од огнено оружје, еден од нив е во многу тешка состојба. На двете страни има повеќе од 50 повредени. Припадник на косовската единица РОСА со калашников пукал кон Србин кој е во тешка состојба.

Претседателот на Србија, Александар Вучиќ вчера разговараше со претставници на ЕУ, а денеска ќе разговара со амбасадорите на Квинта, Русија и Кина.
Вучиќ синоќа изјави дека со месеци предупредувал дека премиерот на Косово, Албин Курти има една желба – да доведе до крвопролевање во целиот регион и дека малкумина слушнале и разбрале што се случува на Косово.
Вучиќ ги повика Србите на северот на Косово да не се судираат со НАТО.
Претседателот на Србија изјави дека и покрај гаранциите, КФОР не ги заштитил Србите и не го спречил незаконското преземање на општините на северот на Косово.

Share on Facebook

Tweet

Follow us

Save