Џејми Оливер отвори ресторан во „Белград на вода“

Познатиот британски готвач Џејми Оливер на Инстаграм објави дека отворил ресторан во Белград, „Jamie’s Italian“.

Белград, отворени сме“, напиша на социјалната мрежа со фотографија од персоналот пред новоотворениот ресторан во Белград на вода.

„Големи честитки за целиот мој тим, кој штотуку го отвори мојот прв ресторан во Србија. Локацијата е прекрасна, во срцето на Белград на вода, на брегот на реката Сава“, напиша Оливер со фотографија од чинија со специјалитетите на новата гастрономска дестинација во нашиот град.

Тој сподели и видео од подготовка на пица во неговиот белградски ресторан.

„Вратите се официјално отворени и само погледнете ги тие пици! Одлична работа на тимот. Многу сум горд на сите вас. Пренесете ја мојата љубов на сите“, напиша познатиот готвач.

На официјалната страна на белградскиот ресторан Џејми Оливер е достапно и мени со бројни специјалитети од италијанската кујна по рецепт на познатиот британски готвач.

Цените на пицата се движат од 865 динари до 1.555 динари.

Најевтино главно јадење се равиоли со тартуфи (975 динари), а најскап е бифтек со путер од тартуфи, благородни печурки и сос чианти (2.725 динари).

Во ресторанот на Џејми Оливер можете да се препуштите и себеси. Најдостапен деликатес е панакота со ф’стаци – 545 динари, порција со три топки сладолед е 565 динари, а најскап е „Амалфи Чизкејк“ – 765 динари.

Според официјалната веб-страница, ресторанот е отворен секој ден од 11 часот до полноќ.