„Џиновите“ одлучија, нешто мора да се случува: Русија и Америка на раб на целосен прекин на однocите

Воведувањето санкции против рускиот претседател лично Владимир Путин може да доведе до целосно прекинување на односите со САД, изјави сенаторот Алексеј Пушков за порталот „Газета“.

Според него, усвојувањето санкции против руското раководство ќе има „екстремно деструктивни последици“.

„Доколку таков закон се донесе, а сепак се имплементира, ќе биде на работ на најсериозно влошување на односите меѓу САД и Русија и, можеби, дури и нивно прекинување“, рече Пушков.

Членот на Советот на Федерацијата заканата од нови санкции ја смета за инструмент кој, како што очекуваат авторите на иницијативата, ќе и даде на Белата куќа „одврзани раце да изврши притисок врз Кремљ“. Според него, со ова Вашингтон може да го поттикне Киев да изврши агресија врз Донбас.

„Таквата поддршка од Вашингтон е еден вид алиби за Украина“, заклучи сенаторот.

Вчера група од 25 членови на американскиот Сенат од Демократската партија, предводена од претседателот на Комитетот за надворешни работи, Роберт Менендез, го претставија предлог-законот за нови санкции против Русија и Владимир Путин, кои Вашингтон би можел да ги воведе доколку ситуацијата во Украина ескалира.
Меѓутоа, Русија веќе со месеци повторува дека нема намера воено да се меша во ситуацијата во Украина.

Share on Facebook

Tweet

Follow us

Save