4,3 ТОНИ МАРИХУАНА ЗАПЛЕНЕТИ ВО ГОСТИВАРСКО!

t

Од правно лице во село Врапчиште – Гостивар, одземена е марихуана во вкупна количина од 4341 килограми, вредна над 10 милиони евра. Наведената количина е одземена по донесена Одлука на Владата за одземање на Одобрението за одгледување на канабис за медицински цели на наведеното правно лице поради констатирани неправилности во работењето, информираат од МВР.

Марихуаната е сместена во Агенција за управување со одземен имот.

Од МВР посочуваат дека акцијата била спроведена од страна на полициски службеници од Одделот за криминалистичка полиција-Сектор за недозволена трговија со дрога оружје и опасни материи, Единица за недозволена трговија со дрога и полициски службеници од ОВР Гостивар и надлежен Јавен Обвинител од гостиварското ОЈО, по претходно издадена Наредба од гостиварскиот Основен суд.

– Имено, во изминатиот период од страна на полициски службеници од Одделот за крими полиција и ОВР Гостивар во координација со Комисијата за оценување на исполнетост на условите по однос на простор, опрема и кадар за одгледување на канабис за медицински цели беше извршена вонредна контрола при што се констатирани бројни неправилности во работењето, за што од страна на ОВР Гостивар до ОЈО Гостивар е поднесена кривична пријава по член 95 в од Законот за контрола на опојни дроги, велат од МВР.

По донесувањето на одлуката на Владата на РСМ, 4341 килограми наркотична дрога марихуана е одземена и сместена во Агенција за управување со одземен имот.

– Министерството за внатрешни работи заедно со Комисијата од Министерството за здравство и во иднина ќе продолжи со контроли во правните лица кои поседуваат одобренија за одгледување на канабис за медицински цели со цел утврдување на евентуални неправилности во работењето, потенцираат од полицијата.

ПОВРЗАНИ ВЕСТИ

Турски државјанин со автомобил удрил во полицаец…

Вчера (19.05.2024) во 02.50 часот, полициски службеници…

Во голема полициска акција во Албанија запленет…

 Во голема полициска акција, во содејство со…

МВР со детали за трагедијата во Стајковци:…

Денеска во 12.30 во СВР Скопје било…

„Домаќински и чесно“: Таравари прави 5 километри…

Пат од 5,7 километри ја чини Општина…

Обид за убиство во Гостивар

Против шеесет и тригодишен маж од гостиварското…