Се претвора ли Украина во квази членка на НАТО за геополитички и вoeн притиcok врз Русија?

Обидувајќи се да создадат закана за националната безбедност на Русија, западните земји постепено ја претвораат Украина во квази-членка на НАТО, изјави Дмитриј Белик, член на комитетот за меѓународни прашања на руската Државна Дума.
Со тие зборови тој го коментираше вчерашниот разговор меѓу претседателите на Русија и на САД, Владимир Путин и Џозеф Бајден.
„Ги поздравувам и ги поддржувам сите напори на нашиот претседател да воспостави дијалог со земјите од НАТО за стратешка стабилност“, нагласи тој.
Како што рече, ситуацијата е таква што всушност ја претвораат Украина во квази-членка на Алијансата и покрај уверувањата дека тоа не се случува.
„Иако Украина официјално не е членка на Алијансата, Западот ја користи таа земја како територија од која врши геополитички и воен притисок врз Русија. Затоа е неопходно да се одржува контакт со главните меѓународни играчи за да се зачува стратешката стабилност и безбедност“, додаде тој.

Да потсетиме, Путин вчера телефонски разговараше со Бајден, по втор пат за еден месец .

Во таа прилика, американскиот претседател јасно му стави до знаење на рускиот колега дека САД немаат намера да распоредат офанзивно офанзивно оружје во Украина.

Share on Facebook

Tweet

Follow us

Save