Претседателот на Мексико од Tрaмп пoбaрaл дa гo пpмилyвa Acaнж

Претседателот на Мексико Андрес Мануел Лопез Обрадор изјави дека од поранешниот американски претседател Доналд Трамп побарал да го ослободи и помилува основачот на Викиликс, Џулијан Асанж, пренесува Агенција Анадолија.

Обрадор на дневната прес-конференција истакна дека во писмото што му го испратил на поранешниот американски претседател пред да ја напушти Белата куќа побарал Асанж да биде ослободен и помилуван.

Наведувајќи дека не добил одговор на неговото писмо, Обрадор побара од американските власти да постапат „хумано“ во случајот Асанж и ја повтори својата понуда за политички азил на основачот на Викиликс.

Мексиканскиот претседател исто така додаде дека Асанж не претставува закана за Мексико доколку ги почитува законите на земјата и не се меша во надворешните работи.

Викиликс, основан од Асанж, објави многу доверливи документи во 2010 година, меѓу кои и докази за злосторствата извршени од САД во Ирак и Авганистан.

САД од Велика Британија бараат екстрадицијана Асанж, кој се наоѓа во затворот „Belmarsh“ надвор од Лондон, за да му се суди по 18 обвиненија, вклучувајќи хакирање и шпионажа.

Мексиканскиот претседател му понуди политички азил на Асанж, чие барање за екстрадиција во САД беше одбиено во јануари 2021 година.

Share on Facebook

Tweet

Follow us

Save