(Фото) Протече писмо: Директорот на Австралија опен знаел дека Ѓоковиќ не може да влезе во земјата уште пред еден месец
![t](https://infomax.mk/wp-content/uploads/2022/01/djokovic-australia_5633941.jpg)
Новак Ѓоковиќ е централна тема во сите светски медиуми, а британски Дејли Мејл попладнево објави многу интересни детали од писмото што сојузниот министер за здравство на Австралија го испратил до Тениската асоцијација и организаторите на Австралија опен.
Во е-поштата јасно стои дека претходната инфекција со Ковид не е доволна за тенисерите да добијат ослободување од вакцинација, што му создаде проблем на Новак Ѓоковиќ и го спречи да влезе во земјата.
Најдобриот светски тенисер пристигна во Мелбурн во средата доцна навечер за да ја одбрани шампионската титула, но беше запрен на влезот во земјата со тврдење дека не му е одобрено лекарското ослободување, иако претходно доби гаранции од организаторите и помина две панели.
На Новак сега му се заканува депортација од Австралија, а моментално е под полициски надзор во хотел во предградието на Мелбурн, каде што ја чека судската одлука по жалба.
Писмо било испратено од министерот Грег Хант до извршниот директор на Австралија опен, Крег Тили, кон крајот на ноември, покажувајќи дека организаторите биле навреме предупредени дека играчите нема да можат да влезат во земјата иако неодамна се заразиле со коронавирусот.
„Пограничните сили на Австралија ги советуваат луѓето да бидат целосно вакцинирани, како што е препорачано од АТАГИ (Националната управа за вакцини) за да можат слободно и без карантин да влезат во земјата“ , се вели во писмото.
– Што се однесува до вашето конкретно прашање, можам да потврдам дека лицата кои имале корона во изминатите шест месеци и сакаат да дојдат во Австралија од други континенти, но не примиле две дози вакцина одобрена кај нас, нема да бидат сметани за целосно вакциниран – го предупреди Хант.
Како што пишува Дејли Мејл, ова писмо требало да му овозможи на Австралија Опен навреме да ги извести Ѓоковиќ и другите тенисери кои имаат намера да дојдат на Австралија опен невакцинирани, за да немаат проблеми при влезот во земјата.
Според нив, Ѓоковиќ бил убеден дека потврдата дека имал корона во изминатите шест месеци ќе биде доволна за да влезе во Австралија без вакцината, но, како што видовме, не беше така.
Дали Крег Тили и раководството на Австралија опен навреме му го претставија на Новак сето ова, останува непознато.
Целото писмо можете да го прочитате ТУКА
ПОВРЗАНИ ВЕСТИ
Коронавирус на Олимписките игри, 40 спортисти се…
Светската здравствена организација објави дека повеќе од…
Вучевиќ е позитивен на Корона, пред неколку…
Премиерот на Србија, Милош Вучевиќ е позитивен…
Бајден позитивен на Ковид
Претседателот на САД, Џо Бајден, се тестираше…
Австралија ќе обезбеди рекорден пакет воена помош…
Австралиската влада ќе и го обезбеди на…
Грчките здравствени власти предупредуваат на наглото зголемување…
Властите во Грција предупредуваат на зголемено ширење…