Марej за Ѓоковиќ: Шокантно

Британскиот тенисер Енди Мареј изјави дека е шокиран од настаните поврзани со Новак Ѓоковиќ во Австралија.

На Ѓоковиќ му беше укината визата по неговото пристигнување во Австралија, а тој моментално се наоѓа во карантин во хотелот „Парк“ во Мелбурн, каде што го чека судење.

Некогаш првиот тенисер на планетата e изненаден од настаните.

„Ситуацијата е шокантна. Мислам дека сите се шокирани, да бидам искрен. За ова ќе кажам две работи. Првата е да се надеваме дека Новак е добро. Добро го познавам и секогаш сме имале добри односи. Се надевам дека е добро“, рече Марej, додавајќи:

„Второ, ова не е добро за тенисот и за сите вклучени во оваа ситуација. Едноставно е многу лошо“.

Мaреј моментално е во Австралија каде го чека почетокот на Австралија опен, за што доби специјална покана.

Share on Facebook

Tweet

Follow us

Save