ЈСП: Превозот не поскапува туку се воведува нова услуга

СДСМ има најмалку право да зборува за проектите на ЈСП, претпријатие коешто стана еден од најголемите загубари изминативе четири години, велат од ова претпријатие на Град Скопје, како реакција на денешните обвинување од СДСМ дека новото раководство ги покачило цените за превоз.

„Во интерес на јавноста е да се објасни дека превозот не се поскапува, туку се воведува нова услуга. Станува збор за билет за повеќекратно користење во текот на денот што значи поевтинување на превозот за оние кои имаат потреба од негово користење“, велат од ЈСП.

Од таму додаваат и дека претпријатието ќе стане вистински сервис на граѓаните, а бесплатниот превоз, како што посочуваат, е реалност што ќе се спроведе.

Share on Facebook

Tweet

Follow us

Save