Одлична вест за студентите: Арсовска донесе одлука, градската библиотека ќе работи 24 часа

По барање на студентите читалната во градската библиотека Браќа Миладиновци ќе работи 24 часа

Работното време на читалната во градската библиотека Браќа Миладиновци по барање на студентите ќе биде 24 часа. Ова беше договорено на вчерашната средба на  градоначалничката на Скопје Данела Арсовска со претставниците на Универзитетското студентско собрание при Универзитетот Св. Кирил и Методиј, Ева Цветковска и Вера Палевска. Цветковска и Палевска во име на студентите побараа да им се овозможи да ја посетуваат читалната непречено 24 часа во денот, односно студентите да не се соочуваат со проблеми од типот на затворени читални секогаш кога тие ќе им бидат потребни.

Градоначалничката Арсовска искажа недвосмислена поддршка за нивните предлози и потенцираше дека секогаш ќе биде на располагање за младите со цел реализирање на проектите од нивна корист.

Share on Facebook

Tweet

Follow us

Save