INFOMAX.MK

Водителот на Си-Ен-Ен, Дон Лемон, во вторникот изјави дека оние кои одлучуваат да не земаат вакцини против коронавирус се „идиоти“ кои треба да бидат исфрлени од „општеството“ за „поголемо добро“.

Лемон продолжи: „Невакцинираните луѓе во САД, тие се клучни за причината поради која се појавуват нови варијанти на коронавирусот. И тоа е причината – ја гледам статистиката од ЦДЦ – и причината зошто се реплицира и мутира. Тоа е поради невакцинирани луѓе, кои сами си истражуваат онлајн!“

„Не можам да правам сопствено истражување подобро од експертите кои го посветиле својот живот на медицински и научни истражувања“, продолжи Лемон, додавајќи дека на оние кои „не веруваат во наука“ не треба да им се дозволува да патуваат.

„Мораме да почнеме да правиме работи за поголемо добро на општеството, а не за идиоти кои мислат дека можат сами да истражуваат, или дека се над законот и дека можат да ги прекршат правилата“, рече Лемон понатаму, посочувајќи го шампионот во тенис Новак Ѓоковиќ кого го нарече идиот.

Лемон изјави дека Австралија му кажала на Ѓоковиќ „Не, не, не, не, не. Ќе гледаме на поголемото добро на сите во нашето општество, а вие не сте дел од тоа. Не ни е грижа што сте тенисер број еден во светот“.

„И браво за нив затоа што го чуваат своето население и нивните граѓани – луѓе кои сакаат да бидат добри граѓани – тие ги одржуваат здрави, безбедни и живи“, изјави Лемон.

"We have to start doing things for the greater good of society and not for idiots who think that they can do their own research, or that they are above the law and they can break the rules." – Don Lemon pic.twitter.com/wLUOZklmsF

— Caleb Howe (@CalebHowe) January 18, 2022