-17 степени измерени во Македонија: Не очекуваат ниски температури

Најстудено утрово е во Берово со -17 степени и во Маврови Анови каде што се измерени -16. Во Крива Паланка е -14, во Битола и Тетово -13, во Струмица и Крушево -11, во Прилеп, Охрид, Претор, Штип, Демир Капија -10. Девет степени под нулата се измерени во Скопје и Виница, -5 во Куманово, -4 во Дојран и -2 во Гевгелија.

Најмногу снег има во Маврово 39 сантиметри, на Попова Шапка 31 и во Крушево 13, соопшти УХМР.

Времето денеска ќе биде сончево со мала до умерена, а во североисточните делови со зголемена облачност. Ќе дува слаб до умерен, наместа долж Повардарието повремено засилен ветер од северозападен правец.

Минималната температура ќе биде во интервал од -16 до -3, а максималната ќе достигне од -2 до 7 степени.

Во Скопје, претежно облачно и студено со слаб до умерен ветер од северен правец.

Минималната температура ќе се спушти до -7, а максималната ќе достигне 2 степени.

Share on Facebook

Tweet

Follow us

Save