„Почивај во мир ангелу наш“: Стотици луѓе оддадоа почит за Викторија и рекоа СТОП за сообраќајното насилство

Неколку стотина луѓе се собраа денеска на мирниот протест на раскрсницата пред Сити мол, на местото на кое на 20 јануари загина Викторија Николова од Радовиш. Присутните изразија почит за прерано згаснатиот живот на младата девојка и рекоа СТОП за сообраќајното насилство.

На собирот кој го организираше момчето на Викторија, Леонид Даов кој беше полесно повреден во истата сообраќајна несреќа, присуствуваа и членови на семејството на Викторија и нејзини сограќани од Радовиш.

Со транспаренти и маички „Почивај во мир ангелу наш“ и „Стоп за сообраќајното насилство“ присутните и оддадоа почит на Викторија и го изразија поддршка во борбата да се стави крај на безобзирното возење по улиците и да се подигне свеста на учесниците во сообраќајот, да се стави крај на сообраќајното насилство кое станува се поприсутно на улиците и одзема невини животи.

Share on Facebook

Tweet

Follow us

Save