Македонец се жалел дека е дискриминиран поради бугарско самочувство
![t](https://infomax.mk/wp-content/uploads/2018/11/komisija-za-zastita-od-diskriminacija.jpg)
Минатата година до Државната комисија за спречување и заштита од дискриминација бил доставен само еден поднесок за дискриминација поради бугарско самочувство.
Претседателката на Комисијата, Весна Бендевска изјави дека институцијата има високо ниво на самостојност и е важна во моментов, поради изјавите на „припадници на бугарското малцинство во Македонија“ кои велат дека им се загрозени правата а нема каде да се жалат.
– При крајот на минатата година беше поднесена само една постапка од граѓанин кој се пожали дека е дискриминиран на работното место – вработен во мала рурална локална самоуправа – поради неговото лично чувство дека има бугарско потекло. Ние сме должни да ја прашаме и другата страна.
Одговорот беше интересен. Секој вработен во образецот М1/М2 се изјаснува по националност. Жалителот тука се изјаснил како етнички Македонец, па оттука не му е нарушено правото на еднаквост со неговото сменување од работното место, појасни Бендевска во гостување во емисијата „Утрински брифинг“.
Таа истакна дека Државната комисија за спречување и заштита од дискриминација има веб-страна со детални податоци за случаите што ги имаат, колку се решени, до каде е постапката со одреден случај, а по ново можат електронски да поднесат претставка.
Претседателката на Комисијата ги охрабри сите граѓани кои се чувствуваат дискриминирано по кој било основ – етнички, родов, сексуален, политички и други основи, да поднесат претставка до Комисијата.
Бендевска додаде дека работата на Комисијата има ефект, иако некои од дискриминаторите не ја признаваат институцијата, поради тоа што не ја разбираат нејзината надлежност.
– Граѓанинот не мора ни да знае како да ја формулира претставката, доволно е да изнесе поради што ја поднесува претставката. Ние имаме право без најава да влеземе кај пријавениот за дискриминација и да извршиме увид па да го формулираме основот или основите на дискриминација, вели Бендевска.
Претставки може да поднесуваат и правни лица, односно здруженија кои се борат против дискриминациски основи. Најмногу од претставките што ги добиле, Бендевска посочи дека се поврзани со дискриминација на работното место.
Извор: Денешен весник
ПОВРЗАНИ ВЕСТИ
Бугарски олимпиец заедно со Македонец и Црногорец…
Бугарскиот олимписки шампион во кревање тегови Галабин…
Македонец на докторски студии по физика во…
Кавадарчанецот Илија Николов, кој е на докторски…
Две малолетни деца останаа без мајка –…
Трагично заврши семејната расправија меѓу бугарски пар…
Македонец и Србин уапсени во Виена со…
Истрагите на виенската работна група за борба…
Македонецот Дамјан пеш отиде до Острог!
Дамјан Марковски, момчето кое одлучи да пешачи…