Арсовска: Инициравме Закон за заштита на Водно

Во гостување во емисијата Заспиј ако можеш на Алфа телевизија, Арсовска истакна дека е започната постапка за законска заштита на Водно.

“Ветувањето беше дека ќе иницираме Закон за заштита на Водно и тој го инициравме, отпочнавме постапка.
Драфтот е изготвен во соработка со две од најрелевантните можам да кажам невладини коишто го застапуваат Водно практично и тие, како што сметам и јас, и како што истакнав во мојата кампања, Водно треба да биде заштитено подрачје на кое не смее повеќе да се дозволи ваква узурпација каквашто имавме во изминатите години.

Го движиме овој процес напред, верувам дека со изготвувањето на овој драфт ќе има можност пошироката јавност да се запонзае, а понатаму и да се стави во постапка како би можело да се иницира пред Парламентот.

Треба и самите народни пратеници да имаат можност да го дадат својот глас, својот импут.

Јас немам моќ да донесам закон но сметам дека самото тоа што сме ја преземале одговорноста да им дадеме инструмет да се заштити Водно кое е узурпирано години наназад.” – вели Арсовска.

Градоначалничката вели дека се поитребни системски решенија за сите проблеми, вклучувајќи го тука и Водно.

Share on Facebook

Tweet

Follow us

Save