Макрон оди во Русија за да си го поправи впечатокот во ЕУ? Сака да ја обнови комуникацијата Русија – НАТО

Францускиот претседател Емануел Макрон е во посета на Москва на 7 февруари за да го врати престижот на неговата земја како европски лидер и да освои дополнителни поени за претстојните избори, изјави за ТАСС генералниот директор на Советот за меѓународни односи на Русија, Андреј Кортунов.

Експертот истакна дека на оваа посета и претходат голем број разговори на Макрон со неговиот руски колега Владимир Путин, со три такви разговори одржани само во текот на минатата недела.

Секој од нив, според експертот, демонстрирал „одредена дивергенција во приоритетите меѓу Русија и Франција“, при што Русија ги нагласува безбедносните гаранции додека деескалацијата околу Украина е приоритет за Макрон.

Според експертот, активниот став на Макрон по ова прашање и брзо организираната посета на Москва се условени од неговата аспирација да го врати престижот на Франција како европски лидер и да ја обезбеди лојалноста на гласачите.

Тој истакна дека во пресрет на посетата на францускиот лидер на Москва, агендата за украинското решение е донекаде активирана во формат Нормандија (Русија, Германија, Украина, Франција).

Заменик-шефот на рускиот претседателски штаб Дмитриј Козак одржа состанок на ниво на политички советници на Нормандиската четворка во Париз на крајот на јануари, а наскоро, според експертот, се планира уште една слична средба во Берлин.

Тој изрази уверување дека и двајцата лидери на претстојната средба ќе се осврнат на широк спектар безбедносни прашања.

„Тие може да разговараат за прашањата за обновување на комуникациските линии меѓу Русија и НАТО, вклучително и во воената димензија, може да се разговара за коридор на намалена воена активност по линијата на Русија и НАТО, како и за другите аспекти на европската безбедност“, истакна експертот.

Во исто време, тој повтори дека Макрон „сè уште не може да зборува во име на Северноатлантската алијанса ниту во име на Европската унија, бидејќи има други членки и тие имаат свој став“.
„Сепак, француските мислења отсекогаш биле влијателни во Европа, така што, мислам, Москва треба да ги сфати со најголема сериозност.

Мислам дека тие ќе бидат земени предвид при одредувањето на понатамошниот курс на Москва за тие прашања за кои ќе се разговара“, додаде, велејќи дека „оваа средба е добар знак.

Колку повеќе има вакви средби и контакти, толку се поголеми шансите како резултат да се излезе од сегашната ситуација“.

Share on Facebook

Tweet

Follow us

Save