Британија со закана до Москва: Престанете со закана за санкции или “разговорот ќе биде краток”

За време на претстојната посета на Москва, министерот за надворешни работи и министерот за одбрана на Велика Британија Лиз Трас и Бен Валас треба да се откажат од заканата со санкции, во спротивно разговорот ќе биде краток, изјави амбасадорот на Русија во Лондон Андреј Келин.

„Ако се подготвуваат да одат во Русија за да ни се заканат уште еднаш со санкции, тогаш тоа е залудна работа – читаме сè, гледаме сè, знаеме и слушаме сè. Во тој случај, нашиот дијалог и разговор во Москва веројатно ќе биде прилично краток“, истакна амбасадорот, пренесоа руските медиуми.

Според него, засега нема знаци дека Велика Британија ќе се обиде да внесе конструктивност во дискусијата за предлозите за безбедносни гаранции.

„Ако во тој план развијат идеи – како конструктивно да одговорат на нашите предлози, тогаш несомнено сме заинтересирани за таков разговор. Но, ако ни се закануваат, тогаш можат да продолжат да го прават тоа од овде на Твитер“, коментира дипломатот.

Претходно британскиот весник „Тајмс“ објави дека министерката за надворешни работи на Велика Британија, Лиз Трас, ќе пристигне во Москва на 10 февруари.

Share on Facebook

Tweet

Follow us

Save