Санирани поголеми оштетувања на клучните булевари во Скопје

Од Град Скопје соопштуваат дека во изминатиот период биле санирани неколку улици и булевари.

Ова е Фејсбук статусот на Фрад Скопје:

“Санирање на улиците и нова сообраќајна сигнализација на булеварите

Во текот на вчерашниот ден екипи на Град Скопје и на ЈП Улици и патишта извршија санација на крупните оштетувања на коловозите на улицата Димитрија Чуповски и на булеварот Партизански одреди.

На пешачкиот премин на булеварот Александар Македонски, кај бензиска станица Макпетрол, вчера беше поставен семафор, на раскрсницата на булеварот Босна и Херцеговина со улицата Лазар Трповски извршена е подготовка за семафорска инсталација, а на повеќе улици и булевари во општина Бутел, Карпош и Кисела Вода се поставуваше вертикална сигнализација.

Екипите на ЈП Улици и патишта секојдневно ги детектираат и ги санираат оштетувањата на коловозите на булеварите и на улиците низ градот, но и вршат замена или поставуваат дополнителна сообраќајна сигнализација којашто ќе ја зголеми безбедноста на сите учесници во сообраќајот.”

Share on Facebook

Tweet

Follow us

Save