INFOMAX.MK

Директор на Јавното претпријатие „Комунална хигиена“ – Скопје, Зуди Енузи Кока, објави видео со шокантна содржина, ВО видеото се гледа како група луѓе, намерно ги уништуваат корпите за ѓубре низ градот и го разнесуваат ѓубрето низ центарот на Скопје. Тој апелираше до граѓаните да реаѓираат на ваквото срамно однесување и да го пријават до надлежните служби.

Во продожение целата објава:

„Срамно! Анонимно од страна на граѓани ни беше испратена оваа снимка на којашто може да се види како поединци намерно ги уништуваат садовите за одлагање на отпадот и разнесуваат отпад низ центарот на Скопје. Ваквото недолично и безобразно однесување каде што може да се види и уништување на јавен имот е забележано на неколку локации низ градот, на местата каде што комуналните служби претходно имаат исчистено, поединци отпадот го разнесуваат намерно и од црни кеси го истураат на јавни површини. Дали станува збор за организирана акција ќе треба допрва да се утврди. Ги повикувам граѓаните да реагираат на ваквото срамно однесување, а доколку забележат вакво однесување на поединци или групи истото да го пријават. Скопјани заслужуваат да живеат во чиста животна средина, а ваквото однесување е непочитување на трудот на комуналните служби, но и претставува казниво дело“, пишува тој на социјалните мрежи.