Бугарите се резилат и по светот: Собираат потписи за петиција за забрана на „Месец на македонското малцинство“ во САД

Бугарите кои живеат во САД собираат потписи во петицијата до Конгресот против т.н „Месец на македонското малцинство“ во САД, пренесува Бугарската национална телевизија.

Потписите ги собира патриотската организација Пирин по повод предлог-резолуцијата на повеќе конгресмени, чија цел е да се одбележи придонесот на Македонците во американската историја, да се слават „нивниот јазик и култура“.

Меѓу покровители на нацрт-резолуцијата е и конгресменот Клаудија Тени, која го покрена прашањето за можни санкции против Бугарија поради одбивањето да го поддржи почетокот на преговорите за членство на Република Македонија во Европската Унија.

Локалната патриотска организација Пирин наведува дека голем дел од лицата во предлог-резолуцијата се наведени како Македонци, а тие се Бугари.

Најстарите организации на Бугарите кои емигрирале во САД тврдат дека предлог-резолуцијата содржи директни фалсификати, како на пример дека Бугарите од Македонија кои емигрирале во Америка по Илинденско-Преображенското востание и Балканската војна се претставени како Македонци.

Share on Facebook

Tweet

Follow us

Save