INFOMAX.MK

Британската метеоролошка служба денеска издаде ретко црвено предупредување за областа на Лондон и југоисточна Англија поради силните ветрови што ги донесе бурата „Еунис“, а на милиони луѓе ширум земјата им беше кажано да останат дома.

Во предупредувањето се наведува дека постои опасност по животот и дека се очекуваат значителни нарушувања поради едно од најтешките бури што ќе го погоди Обединетото Кралство во последните неколку децении.

Бурата „Еунис“ денеска ќе предизвика значителни нарушувања и опасни услови поради екстремно силните ветрови“, соопшти метеоролошката служба.
Стотици училишта ќе бидат затворени, сите возови во Велс се суспендирани, а армијата е во подготвеност.

Синоптичарите предупредуваат дека бурата „Еунис“ денеска би можела да донесе налети на ветер до 145 километри на час, што би предизвикало значителни нарушувања и прекини на електричната енергија.

Црвените временски предупредувања се ретки и значат дека покривите би можеле да бидат однесени, да се урнат далноводи и да се искорнат дрвјата и дека летечкиот отпад може да биде опасен по живот.

Looking ahead to #StormEunice on Friday, we are expecting to see even more dangerous weather conditions moving in 💨

Here are the forecast wind gusts 👇 pic.twitter.com/n7OHiU7vLJ
— Met Office (@metoffice) February 16, 2022