Хороскоп: Раковите ќе бидат шармантни, вагите ќе озборуваат – Што ве очекува денес?

ОВЕН (21. III – 19. IV)
Срцето ви работи турбо, па вашиот ум е потиснат од вашите чувства. Денес нема да го забележувате она што многумина се обидуваат да ви го кажат, бидејќи сте пристрасни. Скротете ги емоциите и разбудете го разумот.
Вашите ставови треба да се совпаѓаат со вашите акции. Не зборувајте едно, ако правите сосема друго.

БИК (20. IV – 20. V)
Честопати градите високи ѕидови пред вашето срце кои никој не може да ги премине. Но, денес морате да им дозволите на саканите личности да допрат до вас. Ќе имате потреба да му верувате на некого.
Можно е ваша тајна да стане претешка за носење или личен проблем да станува претежок за решавање. Побарајте помош и ќе ја добиете.

БЛИЗНАЦИ (21. V – 20. VI)
Денес можно е да изговорите зборови кои подоцна ќе сакате да можевте да ги вратите. Не дозволувајте устата да ви биде побрза од умот. Зборовите оставаат големи траги.
Можно е да се најдете во ситуација да треба да избирате помеѓу две личности кои ви се многу драги. Разбудете го дипломатот во вас.

РАК (21. VI – 22. VII)
Не ја потценувајте моќта на вашиот шарм. Ако сакате денес да добиете нешто, потребно е само да се насмевнете. Луѓето ќе бидат „слаби“ на вашата харизма и ќе ви го даваат она што им го барате.
Не давајте пари на заем кои не знаете дали ќе ви бидат вратени, ниту пак предмети кои ви се драгоцени. Ова не е добар период за тоа.

ЛАВ (23. VII – 22. VIII)
Зборовите што си ги кажувате пред огледалото имаат многу поголема моќ отколку што си мислите. Денес наместо да се критикувате себеси, дајте си комплимент. Наместо да си барате маани, фокусирајте се на прекрасните делови од вашето тело.
Бидете си себеси навивач број еден. Започнете да се охрабрувате себеси без разлика што сакате да постигнете.

ДЕВИЦА (23. VIII – 22. IX)
Ова е еден од оние денови кои нема да сакате да ги поминете сами. Ќе имате толку многу убави нешта за споделување и ќе сакате да го направите тоа со вашите пријатели. Поканете ги во авантурата наречена „ваш живот“.
Подгответе се за значително зголемување на кругот од пријатели. Сите ќе ве обожаваат.

ВАГА (23. IX – 22. X)
Ви се чини дека имате микрофон во рацете и дека сите слушаат што имате да им кажете? Да, денес вашиот глас ќе биде моќен и лесно ќе ја ширите вашата порака околу себе. Некои ваги ќе започнат да ја зголемуваат свеста кај луѓето за сериозен општествен проблем.
Избегнувајте ги озборувањата во вашиот круг од пријатели. Бидете пример за добрина.

ШКОРПИЈА (23. X – 21. XI)
Денес некој ќе ви создава притисок да се откажете од нешто што многу го сакате. Дури и ако треба да ги стегнете забите, не попуштајте. Престанете да им обрнувате внимание на личности кои не ви се важни.
Не можете да им се допаѓате на сите што ќе ги сретнете. Наместо тоа, обидете се да им се допаднете на оние што ги сакате.

СТРЕЛЕЦ (22. XI – 21. XII)
Вторник, 22 Февруари 2022
Ништо нема да се промени додека вие не се промените. Денес пробајте нешто тотално поразлично од она што веќе го правите. Разнообразете си го животот и исполнете го вашиот распоред со активности во коишто уживате.

Балансот меѓу личниот и професионалниот живот ќе ви биде одличен.

ЈАРЕЦ (22. XII – 19. I)
Однесувајте се со луѓето на истиот начин како што би сакале тие да се однесуваат кон вас во истите околности. Денес не правете нешто со што би можеле да повредите нечии чувства. Не мора да ја изговорите секоја мисла што ќе ви падне на памет.
Морате да знаете кога треба да кажете „Стоп“. Не дозволувајте луѓето да ви ги префрлуваат нивните обврски.

ВОДОЛИЈА (20. I – 18. II)
Прекрасна личност сте, но тоа не значи дека треба секогаш да ги спасувате луѓето кои ги сакате. Зарем не забележувате дека решавањето на туѓите проблеми ви ја краде радоста и во го намалува времето за уживање? Дозволете им на саканите да учат од сопствените грешки.
Ако гледате дека не се вклопувате во одредена група на луѓе, не си создавајте притисок да го направите тоа по секоја цена. Едноставно, побарајте го местото каде што припаѓате.

РИБИ (19. II – 20. III)
Денес ќе бидете бескрајно креативни. Време е да се ослободите од активностите кои ви делуваат здодевно и да ги замените со нешта кои ги сакате.
Научете да уживате во задоволствата кои ви ги нуди животот. Ако постои специјална личност во вашиот живот со која сте неразделни, поканете ја на заедничко патување. Прегрнете ги авантурите.

Share on Facebook

Tweet

Follow us

Save