Австралија евакуираше десетици илјади луѓе поради поплавите

Десетици илјади Австралијанци избегаа од своите домови, а властите денес ќе евакуираат и една болница бидејќи обилни дождови се уште ја погодуваат источната обала.

Тринаесет луѓе загинаа, а последните четири смртни случаи се забележани во градот Лизмор во Нов Јужен Велс, кој е најтешко погоден од стравичните поплави кои однесоа бројни домови, пренесува агенцијата Ројтерс.

Се очекува дека денес ова навреме ќе го погоди и Сиднеј во кој живеат повеќе од пет милиони луѓе, а издадени се и предупредувања за големо излевање на реките во западниот дел од градот. На северот на Лизмор, во нивните поплавени домови се пронајдени тела на две жени на 80-годишна возраст и маж на 70-годишна возраст, а на улица во центарот на градот е пронајден уште еден маж како лебди во водата.

Share on Facebook

Tweet

Follow us

Save