(Видео) Арсовска: Ги решаваме проблемите кои ги направи Шилегов – Ништо не е застанато, ќе се изградат и мостовите

Градоначалничката на Град Скопје, Данела Арсовска во гостување во емисијата Вин Вин кажа дека ниеден проект не е застанат и сите тие ќе се реализираат но најпрво новото раковоство на градот треба да ги реши проблемите кои ги направил Шилегов.

Еве што кажа Арсовска:

Проектот за брз транспорт не е стопиран, во преговори е затоа што сметам дека за граѓаните треба да е јасно дека она што е отпочнато а е за нивно добро ќе биде продолжено и нема да се оштети нивниот интерес.

Ова е проект кој има многу предизвици, преговорите се во насока на тоа да се овозможи да биде за добро на сите.

Не се сложувам дека треба да се отстрани средишното зеленило по Партизанска, таму треба да има зеленило. Јас не сум непријател на идејата, лага е дека стопираме проект за булеварот АСНОМ. Проектот ќе биде завршен но граѓаните не знаат дека некој си распишал тендер а не решил претходно други проблеми.

Оставил над 70 предмети за експропријација нерешени, зарем сметате дека тие луѓе таму треба да бидат отстранети без да бидат обесштетени? Некој да остане без својата куќа?

Ништо не е застанато, се ќе си продолжи ама не на штета на граѓаните за да се заштити нечив интерес претходно.

Јас верувам дека треба да се дозволи да се заврши процесот на преговори. Европската Банка учествува во најголемиот еко капитален проект кој ќе се реализира во целиот регион, пречистителната станица. Ќе се прочистат над 90 % од отпадните води.

Јас сум посветена да се најде најдоброто можно решение за скопјани. – истакна градоначалничката.

Следете ја емисијата на следниот линк: https://www.facebook.com/TVTelma/videos/714533683288415