INFOMAX.MK

Градоначалничката на Град Скопје, Данела Арсовска, во гостување во емисијата Вин Вин на ТВ Телма, соопшти дека изградбата на мостот кој треба да ги поврзе општините Аеродром и Гази Баба не е прекината, напротив проектот тече според предвидената динамија.

Арсовска истакна дека се уште постојат голем број на нерешени имотно-правни прашања кои ги оставило претходното раководство на градот.

“Ги решавале проблемите секој ден еве веќе трети месец. Мостот се гради со динамика со која било определено да заврши. Тој се финишира и ќе се финишира на 1 април.

Проблемите од другата страна ги решаваме и ќе ги решиме и ќе ги завршиме.

Треба да заврши поврзувањето кадешто беше нечија дневна соба, сега го решаваме делот на поврзувањето со кој се овозможува проток од едната страна. Има 170 нерешени имотно-правни односи. Ние решивме еден дел, сега ќе следуваат решавање и на други.

Јас не верувам дека луѓето треба да се бркаат од нивните домови.

Со генералниот урбанистички план динамиката е забрзана, малку било завршено досега, веројатно заради изборите. Порано требало да се отпочне постапката, 2 до 3 години. Планот ќе биде претставен пред граѓаните за да имаат тие увид во се она што ќе се направи.

Ништо нема да се превземе додека граѓаните не одлучат дека тоа е најдобро за нив.” – вели Арсовска.

Линк од емисијата: https://www.facebook.com/TVTelma/videos/714533683288415