Нуклеарниот договор поблиску од било кога: Ако САД се прагматични Иран е спремен за финализација

Иранскиот министер за надворешни работи Хосеин Амирабдолахиан изјави денеска дека Исламската Република и светските сили се поблиску од кога било до обновување на нуклеарниот договор од 2015 година.

-Доколку САД се прагматични, ние сме подготвени министрите за надворешни работи на земјите од заедничката комисија за нуклеарниот договор да се соберат во Виена и да го финализираат договорот, истакна Амирабдолахиан на прес-конференција со сирискиот колега Фајсал Мекдад.

-Веруваме дека денес сме поблиску до договор во Виена од кога било досега, нагласи шефот на иранската дипломатија.

По 11 месеци преговори, и Иран и САД сега тврдат дека топката е во полето на противникот.

Стејт департментот вчера соопшти дека договорот не е блиску и е неизвесен. (МИА)

Share on Facebook

Tweet

Follow us

Save