Швеѓаните во паника: Руски авиони со нуклеарно оружје навлегле во нивниот воздушен простор

Шведската телевизија ТВ4 тврди дека руски авиони вооружени со нуклеарно оружје влегле во шведскиот воздушен простор.

Инцидентот, велат, се случил на 2 март. Вкупно четири руски воени авиони летале во близина на шведскиот остров Готланд, што Русите често го присвојуваат. Станува збор за два Сухои 24 и два Сухои 27. Два Сухои, според извори на оваа шведска телевизија, имале нуклеарно оружје. Се наведува дека сите четири авиони полетале од руската енклава Калининград.

Воените власти одбиле да ги коментираат информациите дека авионите биле вооружени со нуклеарно оружје.

Шведската војска го осуди нарушувањето на воздушниот простор.

„Ова го оценуваме како свесна акција. Тоа е многу сериозно, особено ако сте земја во војна“, рече началникот на воздухопловните сили Карл-Јохан Едстром.

Share on Facebook

Tweet

Follow us

Save