Германски план: Бундесверот испраќа војници во Босна за да се спречи отцепување

Германија размислува да испрати војници во мисијата на ЕУ во Босна и Херцеговина, а идејата на коалиционите партнери во германската влада им ја претставила министерката за надворешни работи Аналена Бербок, пишуваат германските медиуми.

Контингентот на Бундесверот треба да ја зајакне операцијата на ЕУФОР Алтеа во Босна и Херцеговина „поради растечките политички тензии“ со цел да се „стабилизира ситуацијата“ и да се „спречат тенденциите кон отцепување“, наведуваат германските медиуми, повикувајќи се на владини извори.

Бербокова на лидерите на пратеничките групи на владејачката коалиција им го претстави планот според кој германски војници ќе пристигнат во БиХ пред изборите во таа земја закажани за 2 октомври.

Се уште не е познат точниот број на германски војници кои би биле испратени во БиХ, но се зборува за „висок двоцифрен или низок трицифрен број“.

Share on Facebook

Tweet

Follow us

Save