Псаки: Ќе ги исцрпиме ресурсите на Путин – Финансискиот систем на Русија е пред колапс

САД: Нашата цел е да ги исцрпиме ресурсите што ги има Путин за да продолжи со своите активности против Украина.

Портпаролката на Белата куќа Џен Псаки изјави дека САД со санкции сакаат да ја стават Русија пред избор помеѓу неисполнување на обврските и трошење на девизните резерви што и останале.

Ројтерс претходно објави дека американското Министерство за финансии нема да дозволи американските банки да вршат исплати во долари на рускиот државен долг.

„Русија нема неограничени ресурси, особено сега со строгите санкции што ги воведовме. „Тие ќе мора да изберат помеѓу трошење на преостанатите резерви во долари, трошење на нови приходи или неисполнување на нивните обврски“, рече таа на прес-конференцијата.

Псаки ја нарече целта на американската администрација „исцрпување на ресурсите што ги има Путин за да продолжи со своите активности против Украина“.

Санкциите го доведуваат финансискиот систем на Русија пред колапс, соопшти Псаки.

Share on Facebook

Tweet

Follow us

Save