(Фото галерија) „Гробиштата се полни од бугарското пријателство“ – македонските граѓани со вакви пораки го пречекаа бугарскиот премиер!

Претседателот на Владата на Република Бугарија, Кирил Петков денеска во Битола ќе отвори клуб кој ќе работи во состав на културниот центар „Иван Михаилов“.

Бугарскиот премиер придружуван од потпретседателката на Бугарија Илијана Јотова, министерката за надворешни работи Теодора Генчовска и поранешната шефица на дипломатијата Екатерина Захариева, ќе промовираат владини проекти на таа држава на кои ќе им претходи средба на Петков премиер со бугарски здруженија на граѓани во земјава.

По низата неправди кои Бугарија изминатиов период ги нанесе на Македонија, вклучувајќи го и ветото за почеток на преговорите, на граѓаните оваа посета не им се допаѓа.

Затоа, во село Кравари жителите истакнаа пораки по повод денешната посета на Петков.

„Гоце е Македонија“, „Крвави ви се рацете“, „Кога ќе признаете дека има Македонци во Бугарија?“, „Гробиштата се полни од бугарското пријателство“… се само дел од пораките.

Share on Facebook

Tweet

Follow us

Save