(Видео) Арсовска: Пожарникарите се херои – ќе им обезбедиме се што им е неопходно!

Градоначалничката на Град Скопје истакна дека повеќе од 55 пожарникари на скопската противпожарна бригада се справуваа со огромниот пожар во поранешната фабрика Треска.

Арсовска во гостувањето во „Наше Скопје“ на Инфомакс истакна дека постоела сериозна опасност пожарот да зафати 20 тонска цистерна со нафтени деривати и она што спречило поголема трагедија е брзата интервенција на пожарникарите.

Таа посочи дека токму поради ова пожарникарите се вистински херои!

-55 пожарникари на скопската противпожарна бригада го гаснеа пожарот во Треска. Тие се херои! Единствените херои беа припадниците на скопската противпожарна бригада. Тоа беше огромен пожар кој ги загрозуваше не само околните куќи и згради, таму имаше цистерна од над 20 илјади литри нафтени деривати која не сакам да помислам што можеше да се случи ако не го локализираа пожарот од таа страна. Мораме да ги цениме и да им обезбедиме се што им е непоходно, вели Арсовска.

Share on Facebook

Tweet

Follow us

Save