Петков му кажал на Вархеји: Имаме желба за изнаоѓање решение со Македонија

Актуелната состојба на Западниот Балкан, во контекст на кризата предизвикана од руската воена инвазија на Украина и последните случувања во дијалогот меѓу Македонија и Бугарија, беа меѓу темите на разговор на денешната средба на бугарскиот премиер Кирил Петков со еврокомесарот за соседство и проширување Оливер Вархеји, соопшти Прес-центарот на бугарската Влада.

Како што јави дописникот на МИА од Софија, Петков на средбата ја потврдил желбата за изнаоѓање заемно прифатливо решение за отворените политички прашања со земјава, имајќи ги предвид дека станува збор за теми што се чувствителни за Бугарија.

Петков истакнал и дека интензивирањето на секторската соработка меѓу Македонија и Бугарија придонесува за градење меѓусебна доверба и разбирање.

Share on Facebook

Tweet

Follow us

Save