(Фото ) Како во хорор филм: Вработени во градинка во Делчево колеле јагниња во дворот на институцијата – Анима Мунди бара реакција од АХВ

Вработени во детска градинка во Делчево колеле јагниња во дворот на истата, а потоа на заедничка гозба го прославувале празникот Велигден, известуваат од Здружението за заштита на животните Анима Мунди, кои сметаат дека колење на јагниња во градинка е немилосрден чин.

Апелираат до Агенција за храна и ветерина, како и до Министерство за труд и социјална политика итно да реагираат по повод случајот.

-Откако колење на јагниња во градинка е прифатливо, нормално, не постои веќе ништо што би можело да не изненади во оваа недојдија! Вработените од градинката Весели Цветови во Делчево, оние што треба да ги научат најмалите на љубов и емпатија ги изложуваат на немилосрден чин и ова го нема во ниту едно нормално и развиено општество. Ги повикуваме АХВ и МТСП итно да постапат, ова е мачење на животни, траумирање на деца, нормализирање на чин на колење и се останато што не доликува на вработени во воспитно образовна институција- стои во нивната реакција.

Од Анима Мунди доставија и фотографии од колењето и од прославата со гозба по крвавиот чин, кои вработени во градинката ги објавиле на профилот на истата, со желби секогаш така сложно да се собираат и прославуваат

Share on Facebook

Tweet

Follow us

Save