Џонсон до украинските пратеници: Украина ќе ја победи Русија и пак ќе биде слободна
Украина ќе ја победи Русија и повторно ќе биде слободна земја, изјави денеска британскиот премиер Борис Џонсон во своето обраќање во украинскиот Парламент преку видео врска.
Британскиот премиер, кој најави дополнителна воена помош од 356 милиони евра за Украина, вклучувајќи опрема за електронско војување и противбатериски радарски систем, истакна дека Британија ќе продолжи да ја снабдува Украина.
– Имам порака за вас денеска: Украина ќе победи, Украина ќе биде слободна, нагласи Џонсон.
Тој оцени дека Украина „го уништи митот за непобедливоста на претседателот Владимир Путин“ во борбата против Русија.
– Таканаречената неодолива сила на воената машинерија на Путин се распадна на неподвижниот објект на украинскиот патриотизам и љубовта кон земјата, порача Џонсон. (МИА)
ПОВРЗАНИ ВЕСТИ
Британија и Украина започнаа преговори за „стогодишно…
Британскиот министер за надворешни работи Дејвид Камерон, кој…
Борел: Ако не е западното оружје, Украина…
Високиот претставник на Европската унија за надворешна…
Зеленски: Очекуваме силен руски напад кон крајот…
Украина се соочува со „нова фаза“ на…
Захарова за изјавата на Камерон дека Украина…
Портпаролката на руското Министерство за надворешни работи,…
Зеленски: Првиот мировен самит за Украина е…
Првиот мировен самит за Украина, кој ќе…