Руши рекорди: Повеќе од 14.000 посетители во скопската Зоолошка градина за еден викенд

Градот Скопје преку официјалната Фејсбук страна соопшти одлична вест. Скопската Зоолошка градина изминатиот викенд имала повеќе од 14.000 посетители, а како што соопштуваат од Градот, Зоолошката останува една од најпосетените локации во Скопје.

“Над 14.000 посетители во Зоолошката градина изминатиов викенд

Зоолошката градина и годинава е една од најпосетените локации во Скопје, каде овој викенд имавме рекордна посетеност од над 14.000 посетители.

Град Скопје и ЈУ „Зоолошка градина“ во континуитет работат на подобрување на просторните услови на живеалиштата, а рекордната посетеност е уште еден поттик за продолжување на активностите за поставување нови стандарди на квалитет и поголема благосостојба на животните.

Апелираме до посетителите на Зоолошката градина на совесно однесување, со што вработените ќе можат полесно да ги реализираат нивните работни обврски и мисија – едукација, чиста и средена зоолошка и најголема грижа и љубов за животните.” – стои во Фејбук статусот.

Share on Facebook

Tweet

Follow us

Save