INFOMAX.MK

ДУИ ја поздрави одлуката на Вселенската Патријаршија за признавање на МПЦ-ОА за канонска.

-Во оваа прилика им изразуваме искрени честитки на сите православни верници во нашата земја за оваа долгоочекувана одлука, која им дава еднаков статус на верска проповед со сите православни верници во светот. Од исклучително значење за иднината на државата е што се решава уште еден повеќегодишен спор. Оваа одлука ги зајакнува темелите на стабилноста во регионот и ги афирмира вредностите на меѓуверска почит и толеранција, велат од партијата.

Од партијата велат дека хоризонтот на помирување меѓу народите е отворен и на овој пат кој цели кон заедничката европска иднина на целиот регион мора да се продолжи со носење на храбри одлуки и да преовладува рационалноста над штетните изолирачки недоразбирања.

Одлуката на Вселенската патријаршија да ја признае Македонската православна црква не го реши конечниот статус и името на црквата, туку беше направен најважниот и најголемиот чекор.