Кремљ: На Европа ќе и треба Северен тек 2, што и да кажете сега

На Европа ќе и треба проектот „Северен тек 2“, што и да кажат за него сега, но во сегашната ситуација залудно е да се очекува негово пуштање во употреба, изјави портпаролот на Кремљ, Дмитриј Песков.

„Во сегашните услови, се разбира, би било непромислено и бесмислено да се надеваме на лансирање на „Северен тек 2“, со оглед на кратковидната позиција на нашите партнери за тој проект, а пред се на Германија“, рече Песков.

Портпаролот на Кремљ , исто така, се осврна на заплената руски имот во Украина, кој го оцени како кражба и додаде дека Русија ќе се бори против тоа и ќе ги врати.

„Каква може да биде реакцијата? Таа е негативна. Продолжувањето на таа политика, која во последно време стана мода во цела низа земји, практично е кражба на туѓ имот. Ние го третираме негативно. Ќе се бориме против тоа, ќе го браниме својот имот“, рече Песков.

Share on Facebook

Tweet

Follow us

Save