Канонизација на игуменот Јоаким Крчовски за светител и вбројување во диптихот на светите
Во манастирот Св. Јоаким Осоговски – Крива Паланка викендов ќе се изврши канонизација на игуменот Јоаким Крчовски за светител и негово вбројување во диптихот на светите.
На предлог на Кумановско-осоговската митрополија светителот ќе биде канонизиран како Свети праведен Јоаким Крчовски, учител и просветител.
Активностите почнуваат вечер во 18 часот со воскресна вечерна богослужба и парастос за блаженоупокоениот игумен Јоаким Крчовски.
Утре во 07.30 часот ќе се одржи воскресна утрена богослужба, а во 09.00 света божествена литургија и вбројување во диптихот на светите на Свети Јоаким Крчовски.
Канонизацијата во организација на Кумановско-осоговската епархија ќе се изврши во присуство на архиереите на Македонската православна црква – Охридска Архиепископија и голем број верници.
Под канонизација се подразбира прибројување на нечија осветена личност во соборот на светите.
-Спрегата што ја постигнал Јоаким Крчовски се опишува преку мислата – Знаењето без подвиг е филозофирање, а подвигот без знаење е идолопоклонство. Јоаким Крчовски и живеел, и проповедал, и учителствувал, и провестувал, и богослужел и бил богоугоден подвижник на самиот премин меѓу 18. и 19. век, а споменот и славата на неговиот свет живот општонародно се почитува и денес. Меѓу другото, тој е автор на првата книга отпечатена на народен македонски јазик во 1814 година. Книгите на Јоаким Крчовски се пишувани на разбирлив јазик за секој христијанин и затоа имале верна улога во верското и во моралното просветување, вели митрополитот Кумановско-Осоговски Григориј во обраќањето во пресрет на канонизацијата.
ПОВРЗАНИ ВЕСТИ
Маск верува дека доларот може да стане…
Eлон Маск предизвика бројни реакции поради објавата…
Ти благодарам за безрезервната љубов и поддршка!…
Не е тајна дека сопругата на сегашниот…
(Видео) Апасиев: Предлагаме граѓански устав со НАЦИОНАЛНА…
Нека си направи и Бугарија Рамковен договор,…
Мицкоски: ДУИ ќе ги мести изборите во…
Лидерот на ВМРО-ДПМНЕ, Христијан Мицкоски, тврди дека…
Полскиот министер за одбрана: Нема да испратиме…
Полска не се подготвува и нема да…