Италија и Унгарија побараа на претстојниот Самит на Европска Унија да се апелира за прекин на огнот во Украина

Италија и Унгарија побараа на претстојниот Самит на Европска Унија да се апелира за прекин на огнот во Украина и за мировни преговори со Русија.

Во нацрт завршната изјава за Самитот, што ќе се одржи на 30 и 31 мај, се наведува дека „ЕУ е непоколеблива во својата посветеност да и помогне на Украина да го оствари правото на самоодбрана од руската агресија“.

Во нацрт изјавата не се споменуваат мировните преговори.

На состанокот на амбасадорите на ЕУ на 20 мај, италијанскиот дипломат предложи измени на текстот, истакнувајќи дека изјавата треба да вклучи повик за мировни разговори и итен прекин на огнот како приоритети на ЕУ.

Предлогот беше поддржан од Унгарија и Кипар, кои се меѓу најгласните критичари на новиот пакет санкции на ЕУ против Русија.

Во нацрт-заклучок за претстојниот Самит се истакнува дека ЕУ останува посветена на зајакнување на способноста на Украина да го брани својот територијален интегритет и суверенитет. (МИА)

Share on Facebook

Tweet

Follow us

Save