INFOMAX.MK

Немаме причина да го укинеме ветото за Македонија, изјави заменик-претседателот на Бугарскиот парламент Кристијан Вигенин од редовите на Бугарската социјалистичка партија (БСП) во интервју за БНТ.

Според него, темата за С. Македонија станала предмет на политички злоупотреби од секаков вид.

“За Бугарија има стратешко решение, мора да бараме можни решенија, а не да трупаме политички дивиденди. Наша задача како држава не е да го задржиме ветото, и да ја сопреме С. Македонија, туку да ги реализираме нашите цели – правата на Бугарите во С. Македонја, заедничката историја и говорот на омразата.“ порача тој.

Вигенин ја поддржа идејата на премиерот Кирил Петков да се свика нов Советодавен совет за национална безбедност во однос на Република Северна Македонија, додавајќи дека земјата не треба да ја интересира што очекуваат Брисел и Скопје.

Според законот, Советодавниот совет за национална безбедност на претседателот мора да се состанува најмалку еднаш на секои три месеци, така што сега има законска основа тој повторно да се состане, порача бугарската вицепремиерка и министерка за економија и индустрија Корнелија Нинова, пренесуваат бугарските медиуми.

„Се додека С. Македонија не ги исполни условите од договорот со Бугарија, не треба да се укине ветото и да се започнат преговори“, децидна беше Нинова.

Таа додаде дека е добра пракса Советот да се свикува почесто, во поглед на темата за ветото за С. Македонија.