Медведев: „Условите на Зеленски се категорични до идиотизам“

Дмитриј Медведев изјави дека условите што ги постави претседателот на Украина Володимир Зеленски за примирје не се остварливи.

„Условите што Зеленски ги поставува за примирјето се категорични до идиотизам и во принцип неостварливи“, истакна на Телеграм заменик-претседателот на Советот за безбедност на Русија, пренесе ТАС С.

Тој рече дека претседателот на Украина бара повторно да се украдат Донбас и Крим, како да не е свесен за волјата на нивните жители. Медведев рече и дека сојузот меѓу Германија и Полска, кој ја ескалира ситуацијата околу Украина, ќе има корист доколку таа земја исчезне од картата.

Тој укажа на изјавата на германскиот канцелар Олаф Шолц дека Германија нема да го прифати мировниот договор што го наметна Русија, а тоа е истиот став што го има и Украина.

„Зошто на Шолц му треба Украина? Не мора да одите далеку во барањето одговори. Полско-пруската алијанса, која ја ескалира ситуацијата со сите сили и го турка вознемирениот Зеленски на сè покатастрофални изјави и акции, би била одлична корист ако државата Украина исчезне од картата“, вели Медведев.

„Тоа ќе биде фабрика без надзор, земјоделски култури, рудници за јаглен, стратешки простор и човечки ресурси. Се сеќавам дека некој зборуваше на ист начин, на ист јазик и со иста ревност кон крајот на 1930 година. Како заврши се знае. “, рече тој.

Share on Facebook

Tweet

Follow us

Save