Лавров ќе ја посети Србија идниот месец
Рускиот министер за надворешни работи Сергеј Лавров доаѓа во посета на Белград на 7 јуни, јави дописникот на МИА од српскиот главен град.
Како што е најавено, тој ќе има средби со српскиот државен врв, а се очекува на средбата со претседателот Александар Вучиќ да стане збор за сите горливи теми, од настаните во Украина и позицијата на Србија кон оваа криза, преку ситуацијата во регионот и економската соработка во контекст на санкциите што Западот ги воведе на Русија.
Шефот на руската дипломатија доаѓа во време на голем притисок врз Србија да воведе санкции кон Русија, но и пред најавените разговори во недела меѓу Александар Вучиќ и Владимир Путин за гасот.
Ова е прва посета на висок руски функционер на Србија од избувнувањето на украинската криза, а доаѓа во време кога Европската унија го подготвува најтешкиот пакет санкции, кои Србија, како единствена држава во Европа, досега се нема приклучено.
Лавров треба да присуствува и на приемот по повод Денот на Русија, што ќе го организира руската амбасада во Белград на 7 јуни.
ПОВРЗАНИ ВЕСТИ
Вучиќ: По гласањето за Резолуцијата за Сребреница…
Генералното собрание на ОН најверојатно ќе гласа…
Најголем број туристи од Бугарија и Русија,…
Србија во март ја посетиле 153.155 странски…
Избрана новата Влада на Србија
Пратениците на Собранието на Србија попладнево ја…
(Не)успешно разоружување на Србија – Бројот на…
Една година по акцијата за разоружување на…
Загина 19-годишен возач во Србија, со автомобилот…
Тешка сообраќајна несреќа се случила попладнево кај…