Коалиционите партнери на Петков: Украина не може да влезе во ЕУ заради Македонија – РМ да ги внесе Бугарите во Уставот

„Очекуваме да слушнеме што ќе се случува на овој совет и зошто постои таков совет на тема Република Македонија. Ставот на ИТН е потврден, нема да мрднеме од него. Една од работите што треба да се случи во РМ како гаранција за почеток на процес, е да се отвори Уставот и да се напише дека Бугарите се народ во државата со еднакви права“. Ова го изјави Станислав Балабанов од Има таков на влезот во Советот на министри.

Балабанов предупреди дека одбројувањето на трпението е започнато. Тој ги предупреди ПП да престанат да мислат дека владеат сами, а не во коалиција, со потпишан коалициски договор.

Пред тоа Атанас Атанасов од Демократска Бугарија рече дека Украина можеби нема да влезе во ЕУ поради Македонија.

„За жал, во овој момент нема изгледи за укинување на ветото. Нашите партнери во Македонија никако не помагаат“, рече тој.

Темата е повторно на дневен ред откако премиерот Кирил Петков побара од претседателот Румен Радев да го свика Советодавниот совет за национална безбедност.

Share on Facebook

Tweet

Follow us

Save