Уапсени се сите кои упатија закани за бомби во Србија!

Министерот за внатрешни работи Александар Вулин изјави дека се идентификувани и кривично гонети сите кои упатиле закани за поставените бомби од територијата на Србија. Тој посочи дека од 1 јануари до 1 јуни биле извршени дури 1.046 контрадиверзантски контроли.

На седницата на Националното координативно тело за спречување и борба против тероризмот се разговараше за безбедносната состојба, со посебен акцент на зачестените закани за поставени експлозивни направи во институции и објекти на територијата на Република Србија.

„Во изминатиот период сите кои упатија закани од територијата на Србија за поставените бомби беа идентификувани и кривично гонети од страна на полицијата. Припадниците на МУП ја расчистуваа секоја пријава за поставената бомба која доаѓаше од Србија, ги наоѓаа сторителите и ги гонеа, вели Вулин, се наведува во соопштението на МВР, пренесува РТС.

Министерот рече дека денеска детално ги анализирале резултатите од акциите спроведени во Република Србија, како и односот кон српските државјани за кои е утврдено дека во претходниот период упатувале закани за бомбите.

„Во 2021 година, во периодот од 1 јануари до 1 јуни, извршени се 10 контрадиверзантски контроли по пријави за подметнати експлозивни направи или средства, а во 2022 година за истиот период биле извршени дури 1.046 контрадиверзантски контроли во врска со извештаите за поставени бомби, а во согласност со тоа ангажиравме дополнителни полициски сили“, изјави министерот за внатрешни работи Александар Вулин.

Вулин рече и дека се идентификувани локациите на неколку мејл адреси од кои пристигнале заканувачки пораки за поставените бомби и дека за се ги информирале странските партнери од кои очекувале адекватна реакција.

„Соработка со Европол, Интерпол, полициска и обвинителска соработка со земји од кои се идентификувани закани со бомби, како што се Полска, Словенија, Иран, Украина и заедничка работа на решавање на идентични закани со полицијата на Република Унгарија“, вели тој.

На седницата, покрај постојаните членови на Националното координативно тело, присуствуваа и претставници на Специјалното обвинителство за борба против високотехнолошки криминал и на Обвинителството за организиран криминал, полициски службеници од Полициската бригада, Управата за полиција и полициски службеници на Антитерористичката служба.

Share on Facebook

Tweet

Follow us

Save