Нова пукотница во Филаделфија: Најмалку 13 повреди и 3 мртви

Три лица загинаа, а најмалку 13 се повредени во пукотница доцна синоќа во Филаделфија, соопштија властите.

Според информациите од некои медиуми, во престрелката загинале три лица, двајца мажи и една жена. Полициската управа во Филаделфија одговорила на извештаите за лице со пиштол во поголема група луѓе, објави телевизијата VPVI.

Полицаец успеал да види како маж пука во толпа луѓе во центарот на градот, а тој пукал и кон него со оружјето, но ниту еден полицаец не е повреден, соопшти полицијата, пренесува АП. Не е јасно дали осомничениот е погоден, а не е позната состојбата на ранетите во престрелката.Властите велат дека немало апсења, но било пронајдено оружје. Ова е второто најсмртоносно пукање во САД во сабота навечер.

Едно девојче загина, а осум лица се повредени во пукотница што се случила во трговски центар во градот Феникс, во американската сојузна држава Аризона, соопшти полицијата. Полицискиот функционер Енди Вилијамс изјави дека во престрелката се повредени девет лица кои се пренесени во болница, а 14-годишно девојче им подлегнало на повредите.

Share on Facebook

Tweet

Follow us

Save