Ќучук: Знаеме каков ќе биде исходот ако има референдум за Македонија

Незамисливо е да се има тврдење за геополитички фактор ако претходно не сме биле во можност да го интегрираме населението во регионот, изјавил бугарскиот европратеник Илхан Ќучук, пренесуваат бугарските медиуми.

Барањето на францускиот претседател Макрон да посредува во односите меѓу Бугарија и Македонија е поангажиран став на земјата, која претседава со Советот на Европската унија. Се разбира, претседателот Макрон, како еден од големите лидери, е, се осмелувам да кажам, еден од луѓето кои се етаблираа како водечка фигура во Европскиот совет и е посветен на политиката за проширување, изјавил европратеникот.

Според европратеникот, референдумот во Бугарија, што беше спомнат од бугарскиот претседател Румен Радев за Македонија, не е вистинскиот пристап.

Таков референдум би имал исход на запирање на добрососедските односи, создавање дополнителни бариери и заковување на една позиција. Мислам дека тоа не е вистинскиот начин. Ако сакаме да го предвидиме неговиот резултат, зошто социолошките истражувања – 80%, и начинот на кој е претставена темата во Бугарија, јасно е, дека нема потреба од одржување референдум, рекол Ќучук.

Share on Facebook

Tweet

Follow us

Save