ЕУ да ја исправи својата грешка и да започнеме преговори, вели Ковачевски

ЕУ треба да ја исправи својата грешка и да започнеме преговори, вели во интервју за Ал Џезеира,премиерот Димитар Ковачевски.

-Во однос на јунскиот самит, јас ќе повторам дека не треба да се врзуваме со датуми бидејќи после јунскиот самит доаѓаат нови самити на ЕУ, меѓутоа наша цел секогаш ќе биде интеграција. Ние имавме цел да станеме земја членка на НАТО и успеавме благодарание на тешки одлуки кои ги донесовме. Тие тешки одлуки се однесуваа и на членство во ЕУ, со тоа што ЕУ не го одржа своето ветување за отпочнување преговори со ЕУ за Република Северна Македонија. Сметам дека дури на следниот самит треба да ја исправат таа грешка што беше досега направена – вели Ковачевски.

Според него, Отворен Балкан на ниту еден начин не е замена за европските интеграции туку е иницијатива за поврзување на регионот и за поедноставно и полесно комуницирање меѓу граѓаните, полесно одвивање на трговијата и поголема комуникација како меѓу институциите.

-Процесот што го спроведуваме со Отворен Балкан претставува подготовка на регионот за што побрза интеграција на ЕУ и ја има поддршката и од Брисел и од Вашингтон – истакнува тој.

Share on Facebook

Tweet

Follow us

Save