Предвидување на Путин: Ќе има бран на радикализам и промена на елитите на Западот

Економските грешки ја водат ЕУ кон продлабочување на нееднаквоста и бран на радикализам, рече Путин во денешниот говор на Меѓународниот економски форум во Санкт Петербург.

Економските грешки создаваат услови во ЕУ за продлабочување на нееднаквоста, бран на радикализам и на крајот промена на елитите, предупреди рускиот претседател Владимир Путин.

Говорејќи на пленарната сесија на Меѓународниот економски форум во Санкт Петербург, рускиот лидер изјави дека сите актуелни разговори на Запад за таканаречената „инфлација на Путин“ се дизајнирани „за оние кои не знаат да читаат и пишуваат“.

Терминот претходно го користеа американскиот претседател Џо Бајден и британскиот премиер Борис Џонсон.

„Европската унија целосно го загуби својот политички суверенитет, а нејзините бирократски елити танцуваат на туѓи мелодии, прифаќајќи се што ќе им се каже одозгора, нанесувајќи им штета на сопственото население и сопствената економија“, рече Путин.

Share on Facebook

Tweet

Follow us

Save