(Видео) Рама брутален среде Брисел: Немојте ЕУ да се претвори во конгрегација на свештеници кои говорат за сексот на ангелите додека паѓаат ѕидовите на Константинопол!

Албанскиот премиер, Еди Рама имаше брутално излагање среде Брисел откако Европската Унија не успеа да донесе одлука за кревање на ветото на пристапот на Македонија и Албанија во Европската Унија со што според Рама се задава огромен удар на кредибилитетот на Унијата.

-Жал ми е за ЕУ. И се надевам дека можеме да помогнеме. Се обидов да им кажам одредени нешта на состанокот и ќе споделам неколку работи со вас. Шарл Мишел ни кажа дека имаме три минути јас му кажав дека можеше да трае и 30 секунди ако успеаа да започенем преговори со ЕУ.

Тој уште еднаш истакна дека Бугарија е брука за ЕУ, но очигледно проблем со проширувањето на ЕУ имаат сите.

-Северна Македонија, еднаш беше Македонија или ФИРОМ како што велеа нашите грчки браќа. 17 години подоцна уште чека како кандидат да почне преговори. Го промени и името, замислете Франција да го промени името за да стане членка на ЕУ или Италија. Го променија и името. Албанија чека 8 години, морав да добијам трет мандат за да добиеме преговори со ЕУ. Причината едонставно не е Бугарија. Бугарија е брука. Причината е искривениот дух на проширувањето. Бугарија е само најдобрата експресија.

За крај Рама со историска компарација ја истакна сулудата атмосфера во Брисел.

-И мојата молба до нив е. Немојте да дозволите да Европската Унија стане конгрегација на свештеници кои разговараат за сексот на ангелите додека паѓаа ѕидовите на Константинопол!

Share on Facebook

Tweet

Follow us

Save